Davao City – Nahiusahan sa mabagang hut-ong sa mga tigpaminaw sa atong numero unong radio social commentary program ‘Straight to the Point’ nga panahon na nga ibasura sa hingpit ang ‘lowest bidding system’ diha sa mga government projects, procurement and transactions.
Mga binating bisita sa tulumananon nipadayag sa ilang suporta sa direktiba ni Pres. Rodrigo Duterte nga angay lili-on kun husto na ba nga higayon karon nga did-an na ang kagamhanan nga mo-award sa mga government dealings ngadto sa motanyag sa lowest bid offer.
Si Prof. Ramon Beleno III sa Ateneo de Davao University (ADDU) Department of Political Science and History nagkanayun nga sakto ang premise sa pamuno-nasud ug nga kini nagpakita lamang sa ‘pragmatic and practical aspect’ sa direktiba kontra-lowest bidder.
Kahinumdoman nga gimando sa presidente ngadto sa Department of Budget and Management (DBM) nga i-review ug tun-an ang merito sa pag-amyenda sa government procurement law ilabi na ang probisyon nga ang lowest bidder maoy pili-on sa pag-award sa mga government supply contracts.
Sa iyang mga diskurso, gipaklaro sa presidente nga angay tunolan sa premium mao ang quality ug dili ang lowest bid.
“I’d like to talk to the Ombudsman. I am not a believer in lowest bidder. That’s where corruption is. I would rather go for the quality of the product. Lowest bid would mean lowest quality…In the Philippines, I hope it will not be repeated again during my time because I will not allow it,” segun sa presidente.
Ang presidential directive gidasonan usab nila ni Davao City Chamber of Commerce and Industry Inc. (DCCCII) chairman Tony dela Cruz ug ni City Councilor Danny Dayanghirang, chairperson sa SP Committee on Finance, Ways and Means kinsa nagkanayun nga ang sistema malagmit mohatud ug kadaut sa integridad sa mga proyekto sa gobyerno.
Kasamang June Duterte
