General Santos City—Posibling karong mga semanahuna mamahimong makapili na si Gensan City Mayor Ronnel Rivera sa lima ka mga anaa sa shortlist nga gipadala sa PNP national headquarters nga mamahimong City PNP Director sa Gensan.
Sa listahan nga nakuha sa RMN Gensan nga kinahanglan nga eligible senior police commissioned officers ang anaa sa listahan nga gunit ni Mayor Ronnel Rivera nga posibling pagapilian niini og usa sa lima ka mga pangalan nga anaa sa short list mao ang kontrobersiyal og kasamtangang Officer-in-charge nga si City PNP Director Police S/Supt. Romeo Ruel Berango.
Sa nakuhang listahan sa RMN Gensan ang mga pangalan nga milutaw mao silang Police S/Supt. Edwin Agilan Tilates, kanhing CIDG-3 regional director Police S/Supt. Jonathan Mayores Tangonan, kanhing OIC sa Cotabato City Police Office, Police S/Supt. Reynaldo Soclinin Celestino og Police S/Supt. Esmeraldo Palomara Osea Jr.
Apan subay sa pamahayag sa source sa RMN Gensan sa Camp Fermin Lira Si Osea ang milutaw nga posibling maoy pagapilion ni Mayor Ronnel Rivera isip City PNP Director sa Gensan hulip sa bag-ohay pa lamang gideklarang persona non grata sa Sangguniang Panlungsod nga si OIC City PNP Director Ruel Berango tungod sa pagsuway niini sa pagpakgang sa gikaingong iligal nga operasyon sa Small Town Lottery Lotto. (Emir Bariquit)
