General Santos City— Dili makonsiderang lapses sa security forces ang nahitabong pagbusikad sa duha ka bomba sa Jolo milabay’ng adlaw ug ang pagpanglabay sa granada sa Zamboanga.
Sumala kang Major General Cirilito Sobejana, Commanding Officer sa 6th Infantry Division nga sila sa secutiry forces ang ginahimo ang tanang aron nga mabanatayan ang ilahang area of responsibility.
Apan ilaha gihapon nga gikinahanglan ang tabang sa katawhan sa pagbantay sa siguridad gumikan wala matud pay organisasyon nga perpekto.
Pagpaklaro ni MGen. Sobejana nga naga-huna-huna usab ang ilahang mga kalaban kung unsaon sa paghimo ug dautan ug sila ra usab ang ginabantayan.
Dugang pa niini nga hilabihan ang kalapad sa ilahang area of responsibility ug dili gyud malikayan nga adunay samang panghitab apan sila sa militar ang padayon sa ilahang trabaho nga sumpuon ang mga rebelde ug teroristang grupo.
