General Santos City— Gipasuta na ni Gensan City Mayor Ronnel Rivera ang hinungdan sa pagpula sa kadagatan nga bahin sa Prk. Tinago, Brgy. South ning dakbayan.
Sumala niya nga basi sa impormasyon nga nakaabot kaniya, dili direktang gikan sa dagat ang pagpula sa tubig kundili gikan sa kanal.
Kung asa aduna matud pay nagsulting adunay kemikal gikan sa oval plaza samtang aduna usab nagsulti nga gikan sa mga printing press rason nga ilaha kining ginapasuta.
Dugang pamahaya ni Mayor Rivera nga sa karon dili pa niya masulting dili maka-alarma ang maong panghitabo sa kadagatan gumikan sa posibleng epekto niini sa mga isda.
Sa karon, iyaha na usab ginapa-verify ang report nga adunay mga isda nga nangamatay tungod sa pagpula sa dagat.
Gihayon matud pa nga adunay pagpasagad ang kinsa mang establishemento sa pagpula sa dagat, kinahanglan matud pa nga manubag gumikan apektado ang panginabuhian sa mga mananagat sa kilid sa maong Sarangani Bay.
