PAGPUNDO IT KONSTRUKSIYON KO MGA INFRASTRUCTURE PROJECTS SA BORACAY PAGAHIBAEUON

15

Kalibo, Aklan – Pagahibaeuon it Aklan Sangguniang Panlalawigan paagi sa sangka committee hearing kon ham-an nagpundo ro kontruksiyon it mga infrastructure projects sa isla it Boracay.

Matapos nga ging pasirado ro Boracay it 6 nga buean para taw-an it ligwa ro rehabilitasyon, kon siinkaparte kara ro widening of roads ag improvement of drainage system, pero naobserbahan makaronnga napundo raya.


Suno kay Sangguniang Panlalawigan member Esel Flores halin pa ko buean it Pebrero andang hapan uhan nga owa eon it nagakanabo nga konstruksiyon it nasambit nga projects sa isla kon siin naging owa’t sayod raya sa panan awan it mga pumueuyo ag mga bisita bangud owa pa natapos.

Bangud kara, igapatawag it SP-Aklan si District Engr. Noel Fuentebella, Provincial Engr. Edelzon Magalit ag taga Boracay inter-agency Taskforce para hibaeuon ro dahilan. Ro katuyuan kara suno kay Flores hay para masayran it Sangguniang Panlalawigan kon ano ro andang dapat obrahon nga aksiyon para mapatapos ro nasambit nga projects…

Facebook Comments