General Santos City–Gimanduan na matud pa ni Police Col Aden Lagradante, City Director sa General Santos City Police Office ang hepe sa Police Station 4 nag si Police Major Alex Lanestosa nga palawman pa ang imbistigasyon kabahin sa gikaingong pagdagit sa wala mailhing suspect sa OIC manager sa KAPA-Alabel nga si Remely Iral ug sa pagpamusil patay sa driver body guard niini nga si Bresnev Morada.
Sumala pa ni Col. Lagradante nga nagpaabot pa siya ug update gikan kang Police Major Lanestosa kabahin na sa mga posibleng motibo niini samtang ginasuta naman usab sa kapulisan kung asa na nahimutang ang manager sa KAPA nga si Iral human nga gikuha sa mga suspect.
Samtang may kalambigitan lang gihapon sa trabaho ni iral isip Manager sa KAPA ang nag-unanag motibo nga ginasundan sa kapulisan nganong gidagit kini sa mga suspect ug gipusil patay pa ang driver body guard niini.
Dugang saysay pa sa opisyal nga basi sa imbistigasyon nga ayha nahitabo ang maong pag pamanhig ngadto sa mga biktima nakadawat nang daan si Iral ug mga tawag ug txt sa cellphone gikan matud pa sa mga suko nga mga myembro sa KAPA nga nagapangutana sa gikahimutanagn ni Pastor Joel Apolinario ang Founder sa KAPA.(Dave Silagan)
