Tupi, South Cotabato–Gikabutyag ni Police Major Berlyn Pampolina, Hepe sa Tupi MPS nga personal grudge ang gilantaw nila nga motibo sa kamatayon sa trabahante sa resort nga si Antonio Amoroso, 53 anyos, minyo residente sa block 9, lot 1, Magdiwang Subdivision, Bacoor Cavite ug temporaryong nanimuyo sa gitrabhoang resort sa Purok 4, brgy. Polonuling, Tupi , kansa gipusil sa wala pa mailhing suspek niadtong adlaw’ng Martes sa gabie.
Sumala pa ni Pampolina nga mag semana pa lang ang biktima nga nanarbaho sa resort ug nagtuo kini nga basin ang pag-adto sa biktima sa Polonuling ang dunay kalambigitan sa atraso niini sa ilang lugar.
Duna na matud pay person of interest ang kapulisan kalabutan sa kamatayon sa biktima.
Kahibaloan nga dead on arrival ang biktima nga nadala sa balay tamabalan human kining gipusil sa suspek sa makadaghang higayon sa iyang lawas dihang nagtindog lamang kini sa entrance nga bahin sa resort sa nga miresulta sa iyang kamatayon. (Reynald Timario)
