Gipalawman pa sa kapolisan sa Carmen ang imbestigasyon kalabot sa pagpusil patay sa usa ka kanhi NBI informant nga si Aresteo Agbu sa Barangay Balulang ning syudad.
Kini ang gibutyag ni Police Major Ian Borinaga, ang Hepe sa Police station 4 Carmen.
Matud ni Major Borinaga nga ilang nasayran nga ang biktima usa ka security supervising officer sa usa ka kompanya.
Tungod niini, gitutukan karon sa kapolisan ang iyang posisyon sa trabaho.
Dugang pa ni Major Borinaga nga wala pa usab silay nakuha nga saksi sa hitabo gawas lamang niadtong mga nakadungog sa buto atol sa hitabo.
Facebook Comments
