Isulan, Sultan Kudarat–Nagpadayon pa karon ang imbestigasyon sa kapulisan sa Isulan, Sultan Kudarat sa motibo sa pagpusil patay sa pulis nga si Maj. Victorino Pansoy nga nakabase sa PIAS sa Region 11.
Gibutyag ni P/Col Lino Capellan, tigpamaba sa Police Regional Office 12, daghang mga anggulo ang ginatan-aw karon sa kapulisan sa kamatayon sa biktima.
Dugang gibutyag ni Capellan, nga may kalabutan sa trabaho ang ginatan-aw nilang pinakaduol nga motibo sa krimen.
Nasayran nga si naka-assign sa IAS sa Davao Del Sur si Maj. Pansoy nga maoy naga-imbestigar sa kaso sa mga pulis nga nalambigit sa krimen.
Aminado si Col. Capellan, nga duna na silay mga persons of interest sa kamatayon sa biktima.
Lakip na niini ang mga tawo nga anaa sa lugar dihang nahitabo ang pagpusil kang Pansoy.
Gipusil ang biktima samtang sakay sa iyang pick-up uban iyang kapuyo og usa ka tuig nga anak nga naigo usab sa bala og nadala sa ospital.(Jordan Britos)
