General Santos City–Anaa sa listahan sa mga lambigit sa illegal nga droga ang biktimang si Miranda Tago, 46 anyos nga residente sa Prk. 11, brgy. Apopong ning dakbayan sa Gensan.
Sumala kang Police Captain Abdul Mamalinta, hepe sa Police Station 1 nga alas 10:00 pasado ang takna sa buntag dihang gipusil ang biktima sa riding in tandem criminal.
Pamahayag matud pa sa mga testigo padulong sa direksyon sa Brgy. Mabuhay ang mga suspek. Gani gilayon nilang gi-flash alarm ang maong insidente sa panghinaut nga madakpan ang mga suspek sa krimen.
Dugang pamahayag ni Capt. Mamalinta nga posibleng droga ang hinungdan sa pagpusil patay sa biktima apan tanang anggulo ang ilahang ginatutukan.
Narekober sa crime scene ang pito ka mga basyo sa armas kung asa padayon pa ang ginahimong imbestigasyon sa kaso.
Nangita na usab sila ug mga CCTV sa lugar sa panghinaut nga nakuhaan ug footage ang mga suspek sa krimen.(LVR)
