General Santos City – Giangkon ni Fatima Barangay Kapitan Reynaldo Curit nga managlahing tawo gyud ang garenta sa balay nga gipuy-an sa suspetsadong Bomb Expert nga miyembro sa Maute Group nga si Najib Pundug sa may Zone, 3, Barangay Fatima Gensan.
Sumala niini nga tungod boarding house ang maong panimalay duna gyuy higayon nga palahi-lahi ang nag puyo niini.
Samtang giangkon usab ni Curit nga wala gyud nila namonitor nga duna na diay miembro sa Maute nga nakasulod sa ilang Barangay.
Sumala sa Kapitan nga wala usay record sa purok ug bisan na sa barangay ang mga namuyo sa boarding house nga gironda sa kapulisan ug militar.
Kini gumikan posibling bag-o ra gyud niabot sa lugar ang suspek ug ang pamilya niini.
Dako sab ang iyang pagpasalamat nga gilayong namonitor sa kapulisan ug sa militar ang nahimutangan sa suspek ug pamilya niini ayha pa sila nakahimo ug kasamok sa dakbayan sa Gensan.
Source: RMN Gensan
