Sa interview sa DXDC RMN Davao kang Davao de Oro Vice Governor Jayvee Tyron Uy, iyahang gisaysay nga ang unang 40 kapin ka indibidwal nga reported missing sa landslide mao ang mga empleyado sa APEX mining. Gani nadugangan pa usab ang ilang ihap.
Segun ni Uy nga subay sa assessment sa barangay officials, ubay-ubay usab ang natabunan nga mga balay, rason nga adunay pagsaka sa ihap sa mga missing nga miabot og kapin 100.
“Ang nadugang niana ang sa community. Mao kana ang report sa atoang barangay kay naa man natabunan nga mga balay didto, ug kadtong mga data sa Zone 1, sa leader didto ni kapitan. Mao na to nga nilobo kay nadungagan og 52,” tataw ni Uy.
Dugang sa opisyal nga hagit sa mga responder ang ginahimong search and rescue operation tungod kay usa ka ektarya ang Zone 1 Masara nga natabunan sa yuta.
Nasayrang nagtinabangay na ang mga responder gikan sa ubang probinsya lakip sa ang Davao City Urban Search And Rescue (USAR) 911 Team aron mapadali ang ginahimong rescue operations.
RadyoMaN Kirby Manzon
