Pagsaka sa kaso sa teenage pregnancy, gika-alarma sa POPCOM Region 9

39

Pagadian City – Gikabalaka sa Population Commission (POPCOM-9) ang pagsaka sa kaso sa mga bata nga sayong na mabdos.
Sa eksklusibo nga interview sa RMN-DXPR kang POPCOM Regional Director Reynaldo Ong Wong, ang hinungdan sa sayo nga pagmabdos ang pagkakulang sa edukasyon, dili ensaktong paggamit sa mga teknolohiya,ug ang biological nga rason.
Gidugang ni Director Wong nga ang kumprehensibong sexuality education o halapad nga pagtudlo maoy epektibo nga hinagiban aron makunhuran ang kaso sa sayo nga namabdos sa linghod nga pangedaran.
Gihimong basehan ni Wong pagtuon nga gihimo sa World Health Organization ug Unicef diin nakaltasan ang datos sa kaso sa Teenage Pregnancy dihang gihimo ang kampanya nga Comprehensive Sexuality Education.
Sa ulahing datos nga gipagawas sa Civil Registry and Vital Statistic Unit sa Philippine Statistic Authority nisaka sa 64% ang kaso sa teenage pregnancy sa nasod ilabina na ang nag-edad 10 ngadto sa 14 anyos.

Facebook Comments