Davao City – Malaumon gihapon ang Philippine Coconut Authority (PCA) nga mutaas gihapon ang kilo sa kopras luyo sa kabarato niini sa kasamtangan.
Sa interbyu sa DXDC RMN Davao kang Liza May Lamban, Regional Technical Staff sa PCA Region-XI, gibutyag niini nga aduna gayoy panahon nga musaka ang presyo sa kilo sa kopras.
“Dili man gyud na kanunay nga ing-ana baba, naa gyuy panahon nga musaka gyud na. Even sa PCA, hopeful mi nga musaka pa ning presyo sa kilo sa kopra nato,” saysay ni Lamban.
Gipasabot ni Lamban nga dakong rason nganong barato ang kopras mao ang world market nga maoy naga kontrol sa presyo sa produkto ug tungod sa kadaghang suplay sa mga susamang produkto nga mas barato kung itandi sa kopras.
“Ang contributory gyud sa nagpababa aning presyo is world market kay ang world market man ang magbuot kung pila ilang i-price. Ang coconut oil is one of the many vegetable oils nga naa sa international market. Among these vegetable oils, ang coconut oil mahal. So mas mo-prefer sila kadtong barato,” pagpasabot ni Lamban.
Dugang ni Lamban nga mahitabo ang pagtaas sa kilo sa kopras kung dili na season sa ubang mga vegetable oils sa laing nasud rason nga sa pagkakaron naghatag og mga alternatibong pamaagi ang PCA sa mga coconut farmers batok sa pagbarato sa maong produkto.
RadyoMaN Kirby Manzon
