Pagbakuna sa mga nagaedad sang 12 tubtob 17-anyos sa rehiyon dose umpisahan na.

12

Umpisahan na bwas nga adlaw, Oktubre 29 ang pagbakuna batok COVID-19 sa mga kabataan edad 12 tubtob 17-anyos nga may-yara sang commorbidities (Pediatric A3) sa rehiyon. Suno kay Arjohn Gangoso sang Department of Health 12 nga ipatigayon ang rollout vaccination sa pediatric population sa mga pili nga ospital sa rehiyon nga ginalakipan sang Dr. Jorge Royeca Hospital sa General Santos City; South Cotabato Provincial Hospital sa Koronadal City, Sultan Kudarat Provincial Hospital sa Isulan, Cotabato Provincial Hospital sa Amas, Kidapawan City kag Cotabato Regional and Medical Center sa Cotabato City. Suno kay Gangoso dapat nga upod sang mga kabataan sa pagpabakuna ang ila mga ginikanan ukon guardian, may ipresentar nga medical certificate nga nagapamatuod nga may comorbidity ang bata halin sa pediatrician ukon attending physician. Samtang kinahanglan man nga ang upod nga ginikanan ukon guardian ang may dala nga anuman nga dokumento nga nagapamatuod sang relasyon sa minor vaccine recipient kag magpirma sang informed consent. Ang bakuna naman nga iturok sa Pediatric A3 population ang Pfizer ukon Moderna vaccine nga naisyuhan na sang emergency use authorization sang Philippine Food and Drug Authority para sa pagbakuna sa 12 –anyos tubtob 17-anyos.

Facebook Comments