General Santos City–Mapasigarbuhong gibutyag ni Police Lt. Col. Teody Condesa, tigpamaba sa Sarangani Provincial Police Office nga nahimong nagmalinayon ang selebrasyon sa semana santa sa Sarangani Province.
Sumala niini nga wala silay natalang dagkong kakulian panahon sa kwaresma butang nga gipasalamatan sa tanang kapulisan sa Sarangani hilabi na sa ilang labaw nga si Police Col. Abul Kyr Macalancom.
Nasayran nga hugtanong seguridad ang ilang gipatuman sa probinsya sa mga dagkong simbahan sa matag lungsod nga miresulta sa malinawong selebrasyon.
Dugang pagbutyag ni Condesa nga kung duna may mga insidenti kini ginagmay lang ug isolated lang nga mga kaso. Sama nalang sa kawat ug bingkil sa pipila ka mga indibiadwal.
Gibutyag pa ni Condesa nga dako ang natabang sa mga force multipliers sa pagbantay sa seguridad ingon man ang tabang sa militar ug ang koordinasyon sa katawhan ngadto sa awtoridad.
