South Cotabato—Gipasigarbo ni Police Col. Joel Limson ang PNP Provincial Director sa South Cotabato Police Office nga nahimong generally peaceful ang tibuok probinsiya atol sa pagsaulog sa semana santa.
Sumala pa ni Limson nga walay mga natala nga mga dagkong panghitabo sa pagsaulog sa semana santa gumikan kay hugot ang pagbantay sa kapulisan sa nagkadaiyang lugar sa South Cotabato sama nalang sa mga simbahan, mga terminal og uban pang lugar nga sagad dagsaon sa bagang duot sa katawhan.
Apan gipaklaro usab sa opisyal nga dunay nahitabong shooting incident sa area sa Tupi, South Cotabato apan wala kini nakaapekto gumikan kay dili kini konektado sa semana santa kung asa usa ka igsoong muslim ang napatay human nga nangilog og armas sulod sa bunkhouse sa Compac og nakigpinusilay sa kapolisan hinungdan nga gibalsan kini nga miresulta sa kamatayon.(Reynald Timario)
