PAGSAULOG SANG PASKWA KAG PAGSUG-ALAW SANG BAG-ONG TUIG, NAGBILIN SANG TINOLADA NGA BASURA

45

Tuman ka dako nga volume sang basura ang nakolekta sang General Services Office sa pagsaulog sang paskwa kag pagsug-alaw sang bag-ong tuig.

Suno kay Engr. Niel Ravena, incharge sang calajunan sanitary landfill sang syudad sa mandurriao, sadtong enero 1 alas nueve pa lang sang aga nagakolekta na sila sang basura 17 ka truck ukon 50 tonelada sang basura.

Pahayag ni Ravena dako na ini bangud kinaandan nga sa bug-os nga aldaw makakolekta sila sang 300 ka tonelada apang sang enero 1 aga pa naka ¼ na sila sang kinaandan nga koleksyon sang basura.

Nagtaas man ang numero sang trip sa Iloilo Terminal market ukon super market nga may dugang nga anom ka trips gikan sa kinaandan nga apat lamang ka trucks.

Sa jaro big market nakakolekta naman sang lima ka truck gikan sa isa ka truck sa ordinary nga adlaw.

Samtang sa mga lugar kun sa diin may open sidewalk ukon bukas nga makabaligya ang mga vendors kadam-an sang basura mga styro, plastics kag iban pa nga ginagamit sa pagpamutos.

Pahayag ni Ravena ang pagtaas sang numero sang nakolekta nga basura bunga ini sang open sidewalk kag ang tradisyon sang mga Pilipino nga magdisplay sang 13 fruits sa pag-sug-alaw sang bag-ong tuig.

Facebook Comments