Tulo patay sa motorcycle crash

Davao City – Tulo ang patay human nagbangga ang duha ka single motorcyle alas-12:20 sa gabie adlaw’ng Martes, petsa 1, nahitabo sa Circumferetial Road Brgy. 19-B siyudad sa Davao.

Sa report gikan San Pedro PNP naila ang napatay nga sila Danielle Christian Dela Cruz, 15 anyos, estudyante, nagpuyo sa may Fatima sa nahisgutang lugar kinsa maoy nagmaneho sa usa ka Kawasaki Fury single motorcyle diin angkas ang usa ka Van Kirby Nayre ug laing driver nga si Leojoy Jose, 23 anyos, residente sa may Bajada ning siyudad kinsa sab nagmaneho sa usa ka Suzuki Raider.

Nasayran sa imbestigasyon nga nagdagan ang duha ka motorsiklo sa managlahing direksyon diin padulong sa Chinese cemetery ang gimaneho ni Jose apan sa iyang pagliko gilikayan niini ang usa ka pedestrian resulta sa pagka diretso niini sa pikas lane kung asa naka posisyon ang motorsiklo ni Dela Cruz hinungdan sa panagsungag sa duha ka mga single motorcycle.


Daling gipangdala sa Southern Philippine Medical Center (SPMC) ug Davao Medical School Foundation (DMSF) ang mga naasoy apan gideklara sa nga dead on arrival ang duha ka driver lakip ang backrider.

Nasuta sa kapolisan nga ang duha ka driver wala nagsuot og helmet ingon man walay mga drivers licence samtang gikustodiya na sa San Pedro PNP ang duha ka motorsiklo.

RadyoMaN Don Pulayao

Facebook Comments