Davao City – Giklaro ni Davao City Tourism Operations Office (CTOO) Admin Officer Charlotte Pabra nga ang parada ug ang mga aktibidad sa bulan sa Marso giandam alang sa ika-89th Araw ng Dabaw nga para sa tanan ug buot nga dili masagulan og laing kolor o pamulitika.
Gani, ang Parada Dabawenyo natunong sab sa adlaw’ng natawhan ni Former President Rodrigo Roa Duterte (FPRRD) sa Marso 28. Gibutyag niini nga abli ang katawhan sa paglusad og nagkadaiyang paagi sa pagselebrar niini, nga nauyon sab sa regulasyon sa security forces ug sa lokal nga panggamhanan.
Sa karon, aduna na, matud pa, pipila ka organisasyon ang miduol sa ilang opisina, ug kon ugaling magpatuman og panagtapok o kaugalingong parada, gidugang ni Pabra nga ilaha sab na nga katungod isip mga tagasuporta.
Sa karon, plastado na, matud pa, ang mga nakahanay nga aktibidad, busa giawhag niini ang katawhan nga makigduyog uban sa temang “Dabawenyo ko: Nilambo. Nagkahiusa.”
RadyoMaN Kareen Beltran
Facebook Comments
