Gikumpirma sa Police Regional Office (PRO)-10 nga wala nay mahitabong gun muzzle taping sa mga armas sa kapolisan ning kasaulogan sa Pasko ug Bag-ong Tuig.
Sa interview sa RMN Malaybalay ngadto kang P/Senior Inspector Jisell Longakit, ang spokesperson sa Bukidnon Provincial Police Office gibutyag niini nga sukad kaniadtong panahon ni kanhi PNP Cheif Ronald Dela Rosa nagmando na kini nga dili na silyohan ang mga buka sa armas sa mga pulis atol sa Pasko ug pagsugat sa bag-ong tuig.
Samtang gibutyag ni PNP 10 Regional spokesperson Superintendent Surki Sereñas, nga ang kamanduan ni kanhi PNP Chief dela Rosa sundon ni PNP Director Oscar Albayalde diin nagmando kini nga kung ang usa ka matarong nga pulis nakabalo sa iyang responsibilidad dili kini magpataka og pabuto sa iyang armas.
Napamatud-an na matud pa kaniadtong nakalabay nga duha ka tuig nga nahimo nang responsable ang kapulisan pamatood niini ang halos walay natalang kaso sa indiscriminate firing ug stray bullet-related cases.
