Nagresulta sang shoot –out ang pagserbi sang warrant of arrest sang gintingob nga pwersa sang PNP Polomolok kag katapo sang AFP sa Kulamadig, Brgy. Bentung sa nasambit nga banwa alas 6:25 sang aga sang tinalikdan nga adlaw.
Suno pa nga iserbi kuntani ang warrant of arrest kay Harid Kalim Mangudalat nga may kaso nga pagpangawat sang baka ukon pagbayolar sa PD 533.
Apang samtang nagapadulong ang arresting team sa lugar namutikan sang suspek ang mga ini, nagpalupok ang mga suspek amo nga nagbalos man ang pwersa sang kapulisan kag militar.
May-angot sini, tigayon nga naigo ang kaupod sang target nga ginkilala kay Mario Ewa Ramizo, 58-anyos, may asawa kag residente sang nasambit nga lugar. Gindala pa ini sa Polomolok Municipal Hospital, apang gindeklarar nga dead on arrival kag nakuhaan pa ini sang 5 ka pakete sang ginapatihan shabu.
Samtang ang target nga si Harid Kalom Mangudalat ang tigayon nga nakapalagyo.
Nakuha naman sa encounter site ang 3 ka unit sang Cal.5.56 kag isa ka fragmentation grenade.
Pagapasakaan naman sang patong2x nga kaso kapareho sa pagbayolar sa RA 9165, RA 10591 RA 9516 kag attempted murder ang suspek nga nakapalagyo.
