General Santos City—Gutom ang gihimong rason ni Rogelio Maguikay, LSI nga gikan sa kauluhang Maynila nga unang misibat samtang kini nakatakdang ibutang sa isolation facility sa Brgy. South ning dabayan.
Sumala kang Brgy. South Kapitan Rock Garay nga subay sa pamahayag sa nahisgutan, mikuha usab kini ug gamit sa iyang boarding house apan wala na mibalik pa sa hotel kung asa kini magpabilin unta sulod sa 14 k adlaw.
Panghinaut ni Kapitan Garay nga dili kini magpositbo sa covid-19 ang nasangpit gumikan higayon nga kini magpositibo, halapad nga contact tracing ang kinahanglang himuon.
Nagtuo ang kapitan nga misurender ang nahisgutang gym instructor gumikan na post na sa social media ang iyahang pangalan ug hulagway.
Kini matud pa ang ipa-ilalom sa 14 ka adlaw nga quarantine apan magdepende gihapon sa health authorities kung hangtud kanus-a kini ibutang sa maong pasilidad dungan sa paghulat sa resulta sa rapid test niini.
Subay matud pa sa impormasyon gikan kang Maguikay, lima lang kini adlaw sa kauluhang Maynila ug mipa-uli kini sa dakbayan dala ang travel pass gikan sa IATF sa National.
Nanawagan usab si Kapitan Garay sa tanang mga LSI nga tumanon kung unsa ang ginapatumang protocol sa gobyerno hilabina nga nag-atubang ug krisis ang nasud tungod sa covid-19.
Iyaha karon gikabalak-an nga tungod sa mga LSI nga wala nagatuman sa protocol ug nagasibat, basin ug maka-desisyon ang gobyerno nga ipa-undang nalang ang pagpa-uli sa mga na-stranded nga mga residente sa ubang lugar.
Matud pa nga dili lang alang sa gobyerno ang mga ginapatuman nga protocol aron dili na madugangan ang kaso sa covid-19 sanglit alang usab kini sa tanang mga LSI, OFW ug bisan na sa ilahang mga pamilya. (LVR)
