General Santos City— Hagit alang sa ahensyang nagahatag ug permit to carry ang masigurong dili magamit sa dautan ang maong mga armas. Kini ang gibutyag ni Police Senior Superintendent Raul Supiter, City Director sa Gensan City Police Office.
Sumala niya nga dili siya kumbinsido nga ang mga naghupot ug permit to carry aron nga legal nga makadala ug armas maoy nagpakuyo sa managlahing krimen.
Gumikan dako ang iyahang pagtuo nga mga loose firearms ang mga gamit sa mga kriminal rason nga lisod kining sutaon.
Dugang pa ni PSsupt. Supiter nga sagad sa mga mikuha ug permit to carry mao ang paghatag ug proteksyon sa ilahang kaugalingon.
Gani kung bakwion ang maong mga permit to carry ug adunay taas nga bahad sa ilahng siguridad, dugang trabaho na usba kini sa kapulisan aron nga sila bantayan.
Busa, iyahang panghinaut nga ipa-ilalom gyud sa screening ang kinsa mang indibidwal nga mukuha ug permit to carry firearms.
