General Santos City— Gipasuta na ni Gensan City Mayor Ronnel Rivera sa kapulisan ug militar kung pila na kabulan ug kung unsa na ang kadugayon sa pagpabilin sa dakbayan sa duha ka mga gikonsiderang mga opisyal sa White Area Committee sa rebeldeng New People’s Army.
Sumala niya nga nagpabilin ang hugot niyang direktiba ngadto sa kapulisan nga pangdakpon gyud ang tanang mga wanted sa dakbayan sama sa direktiba niyang sulbaron ang tanang kaso sa Gensan.
Dugang pamahayag ni Mayor Rivera nga ang pagkasikop sa duha ka mga high risk nga mga wanted ang timailhan sa maayong koordinasyon sa kapulisan ug military inubanan sa pagtabang sa katawhan pinaagi sa paghatag ug impormasyon.
Dako man usab ang pagtuo sa mayor nga wala ginakonsiderang taguanan sa mga kriminal ang dakbayan. Panghinaut usab niya nga human madakpan silang alyas Del ug Francis Madria sa gensan, wala nay mga wanted gikan sa an dapit ang mutago sa dakbayan.
