*General Santos City— Angayan lang ang gihimong pagsikop kang PO3 Joel Estabillo. Kini ang gibutyag ni Sultan Kudarat Provincial Police Office Director Police Senior Superintendent Raul Supiter.*
*Sumala niya nga kung lambigit gyud sa illegal nga druga ang nahisgutan, maayo lang nga kini nadakpan sa otoridad gumikan hugaw-hugaw lang kini sa han-ay sa kapulisan.*
*Pamahayag ni Col. Supiter nga basi sa datus nga iyahang nakuha, gipadala sa hepe sa Pres. Quirino Municipal Police Station ang nahisgutan sa Police Regional Office aron sa pagpahigayon ug schooling sa Field Training officer Course partikular na sa RPHAU.*
*Apan, nahibulong kini nganong mipanaug ang nahisgutan ug nakigkita sa usa ka babaye nga naila sa pangalang Marites Bagiuo nga target sa operasyon sa PDEA 12.*
*Pag-angkon ni Col. Supiter nga basi sa impormasyon nga iyahang nakuha gikan sa chief of police sa Pres. Quirino ug ubang nga opisyal sa probinsya, daan ng ginamonitor ang lihok ni PO3 Estabillo gumikan sa mga aktibidad niini.*
*Gani, una na kining gipa-ilawom sa drug test apan nag-negatibo rason nga gipanid-an hangtud nga sa nadakpan sa PDEA sa Queen Tuna Park ning syudad sa GenSan.*
*Dili man usab niya mamahay ang mga opsiyal ni Estabillo gumikan daan na nilang gipasidan-an ang nasangpit nga likayan ang maong butang, apan, nagpadayon rason nga nag-atubang ug tukmang kaso.*
*Kahibaluan nga gawas kang Estabillo, aduna nay naunang duha ka pulis gikan sa Sultan Kudarat ang napasakaan ug kaso human magpotibo sa gipahigayon nga random drug test sa milabay’ng tuig.*
