General Santos City— Hapsay ug malinawon ang pagsugat sa dakbayan sa bag-ong tuig. Kini ang gibutyag ni Police Superintendent Roel Sermese, Deputy City Director For Operastion sa GSCPO.
Sumala niya nga walay unsa mang dagkong panghitabo nga naitala sa dakbayan gikan niadtong pagsaulog sa kapaskuhan hangtud na sa pagsugat sa bag-ong tuig.
Gani iyahang gipasalamatan niya ang kumyunidad sa paghatag ug suporta ngadto sa kapulisan ingon man sa lokal nga panggamhanan.
Dugang pamahayag ni Superintendent Sermese nga nahimong epektibo ang pag-regulate sa paggamit ug mga pabuto ingon man ang pagbutang ug designated area alang sa mga firecraker ug fireworks.
Sa karon matud pa basi sa ilahang tala, mukabat sa lima ang mga nabiktima sa pabuto lakip na ang usa ka babaye nga naigo ug boga panahon sa kapaskuhan u gang babayeng gituuhang naigo sa saag nga bala sa brgy. San Isidro.
