Hugot niya nga ginabawal ang pagsuksok sang tsinelas nga Islander sa mga dalaw sang preso nga magsulod sa Provincial Jail tungod indi basta makit-an kon butangan sang illegal drugs, suno kay OIC South Cotabato Provincial Jail Warden Felicito Gumapac.
Ini matapos nga nagapalab-ot sang impormasyon ang pipila ka mga inmates angot sa nasambit nga pamaagi sang pipila ka dalaw agud makalusot ang nasambit nga kontrabandos.
Samtang sa pamangkot kon ibawal niya man ang pagsuksok sang sandal sang mga dalaw matapos ang panibag-o nga insidente nga amo ang gingamit sang asawa sang isa ka preso sa pagpalusot kuntani sang shabu, suno kay Gumapac wala siya sang plano tungod indi man tanan nga sandal ang madamol.
Ang himuon lang nila sa subong suno sa OIC Warden ang pagpatigayon pa gid sang maid-id nga inspeksyon agud nga wala sang makalusot nga kontrabandos sa Provincial Jail.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
