Pagsulod sa NPA sa Davao Region nasanta sa 10TH ID, usa ka NPA patay sa engkwentro

Davao City – Malampusong nasanta sa 10th Infantry (Agila) Division Philippine Army ang pagsuway og paglusot sa teroristang CPP-NPA-NDF sa rehiyon onse ug gipapahawa kini pinaagi sa sunod-sunod nga enkwentro tali sa mga sakop sa 67th Infantry Batallion ug 48th Infantry Batallion Philippine Army.

Matud ni 10th ID Spokesperson Army Major Mark Anthony Tito, nag-engkwentro ang militar ug Sub-Regional Sentro De Grabidad ubos sa North Central Mindanao Regional Committee nga naglihok sa Bukidnon ug Regional Sentro De Grabidad sa North Central of Eastern Mindanao Regional Committee sa mga boundaries sa duha ka Barangay sa Quezon, Bukidnon ug bukirang bahin sa Sto.Rosario, Agusan Del Sur.

Segun ni Tito, nahitabo ang tulo ka engkwentro niadtong Nobyembre 18 ug 24 ning tuiga nga gikamatay sa political instructor ug commanding officer nga giila lamang sa pangalan nga Alyas Jerby ug ni Mutong Bago Alyas “Amatung” diin narecover sa tropa ang duha ka M16 Rifle Armalite ug mga dokumento sa mga rebelde.

Suma ni 10th ID Commander Brigadier General Allan Hambala, naninguha ang mga rebelde nga makasulod pag-usab rehiyon onse aron subling buhion ang ilang mass based ug pag-usbong pag-usab sa ilang mga front committees, apan maayo nalang kay nagsumbong kanila ang katawhan resulta sa natigayong panagsangka.

Dugang ni Tito subay sa ilang datos, muabot na sa 11 engkwentro sa mga sundalo batok sa mga rebelde nga gustong mudaot sa pagka-gawasnon na sa mga kumonista sa rehiyon.

RadyoMaN Joel Viray