Sarangani Province–Gipasalamatan ni Alabel Municipal Mayor Vic Paul Salarda ang katawhan sa Alabel sa ilahang kooperasyon ug pagsunod sa order niini sa pagpatuman ug total lockdown niadtong nakalabay’ng adlaw nga Domingo sa tumong nga aron dili mokuyanap ang corona virus sa ilang munisipyo.
Nasayran nga ubay –ubay usab nga katawhan sa Alabel ang nahimong direktang kontak sa duha ka mga Pari nga nagpositibo sa covid 19. Gikalipay usab sa Mayor ang nahimong resulta sa gipatuman niining total lockdown tungod iyang nakit-an ang disiplina sa kaugalingon sa katawhan ug ilang kooperasyon sa kamanduan sa panggamhanan.
Apan giangkon sa Mayor nga aduna usab pipila ang wala misunod. Gipaklaro usab niini nga sa karon abli na usab ang border sa munisipyo sa Alabel. Kini human gibakwi na niini ang iyang EO 50, kung asa pwede ng makasulod kadtong mga essential workers ug uban pa. Ipakita lang matud pa ang ilang travel pass, worker pass aron makasulod sa ilang lungsod.(RV)
