Gikondena sa Armed Forces of the Philippine kon AFP ang gihimong pag-atake sa grupong New Peoples Army kon NPA sa usa ka plantasyon sa sagingan nga iya sa kompanyang Dole Plantaion nga nahimutang sa Barangay Lilingayon, Valencia City, Bukidnon kagahapon sa kadlawon.
Matud ni Col. Edgardo de Leon, ang Commander sa 403rd Brigade, Philippine Army nga ang maong binuhatan sa mga NPA nagpakita nga wala nila gisunod ang gilagda sa *International Humanitarian Law (IHL) bisan pa man sa kasabutan nga respituhon ang IHL.*
Sigun usab ni MGen. Ronald Villanueva ang commander sa 4th ID nga nagpakita lamang kini kon unsa ang pagka-terorista sa mga rebelde nga midagmal sa kagamitan sa mga sibilyan nga walay ikasukol batok sa maong grupo.
Mahinumduman nga gawas sa Spray Boom Truck nga gisunog anaa sa 5,600 ka punoan sa mga saging ang gipamutol sa gibana-banang sa mga NPA.
Nasayran nga gibana-banang mobalor ngadto sa 4.2 milyones ka pesos ang kantidad sa maong mga saging.
