Pagsuot ug helmet sa mga motorista sa Dipolog gisaway
By: Edgar Dagumo
Dipolog City –Miani ug mga pagsupak ug pagsaway ang hugtanon nga pag-implemintar sa kapolisan ngadto sa mga motorista pagsuot ug helmet bisan sa sentro nga bahin sa dakbayan sa Dipolog.
Sa pamahayag ni Spo4 Calago sa interview sa DXDR RMN gihimong basihanan sa kapolisan ug sa traffic management office ang mga panghitabo nga disgrasya nga kadaghanan nangamatay tungod kay wala nagsuot ug helmet.
Dugang pa niya nga sa ilang records sa unang hugna niining tuig ubay-ubay ang mga panghitabo nga disgrasya sa kadalanan sa dakbayan ug isip alayon sa gipagawas nga direktiba sa Department of Interior and Local Government (DILG) ilang gisugdan ang pagpangdakop niadtong Uktobre Uno.
Gipasigarbo ni Spo4 Calago ang ilang accomplishment nga sulod sa duha lamang ka adlaw sa ilang operasyon mokapin sa 200 ka mga motorista ang nadakpan ug naka multa kay wala nagsuot ug helmet.
Apan sukwahi ang mga reaksyon ug pagtoo sa kadaghanan kay ingon pa dili hinungdan ang dili pagsuot ug helmet sa mga nangamatay kay kadaghanan sa mga nangamatay’ng biktima tungod sa mga suspetsadong riding in tandem nga naka helmet ug naka bonnet.
PUNTO UG OPINION: BISAN SULOD SA DAKBAYAN OBLIGADO BANG MAGSUOT UG HELMET? UNSAY INYONG IKASULTI!
