Bukidnon – Dungan sa pagbalik sa Philippine National Police kon PNP sa kampanya kontra illegal nga droga, gitutukan sa kapulisan ang mga drug free barangay aron ma-deklara nga isip drug cleared.
Sa interview sa RMN Malaybalay ngadto kang Police Senior Inspector Jisselle Ester Lou Longakit, ang spokesperson sa Bukidnon Provincial Police Office (BPPO) gibutyag niini nga kaniadtong Disyembre 5, 2017 pa gibalik ang war on drugs ngadto sa kapulisan ug ilang gipahugtan usab ang pagmonitor sa kabarangayan.
Matud ni Longakit nga walay kausaban sa guidelines sa subli nilang pagbalik sa kampanya kontra droga.
Hinoon gibutyag sa opisyal nga tutukan nila karon ang pagdeklara ug drug cleared sa mga kabarangayan nga wala nay illegal drug activities.
Facebook Comments
