Davao City – Angay lang nga maalarma ang usa ka miyembro sa Philhealth og duda kini nga wala ginahulogan sa employer ang iyang philhealth contributions.
Sumala ni Kleah Dublin-Guevarra sa Philhealth Davao atol sa interview ni RadyoMaN Misel Miral-Galve sa programang Serbisyong Straight to the Point, kinahanglan sutaon sa miyembro og gihulogan sa employer ang kontribusyon pinaagi sa pag-check sa payslip, pag verify ngadto sa opisina sa Philhealth o sa Philhealth website.
Gisulti ni Guevarra nga mamahimong muadto sa ilang website nga mao ang www.philhealth.gov.ph ug pwede didto i-check ang record pinaagi sa member inquiry.
Gani og masuta nga wala gihulogan, mamahimong i-report kini sa Philhealth ug mangayo og asistinsiya gikan kanila aron usab makalusad sila og imbestigasyon ngadto sa employer bahin sa nasangpit nga gihisgutan.
RadyoMaN Renz Barbarona
