General Santos City–Malampusong narescue sa otoridad ang usa ka lalaki nga nailang si Ricky ANAP, lumad nga taga Jose Abad Santos, Davao Occidental ug kasamtangang nagboard sa Aradaza St.Carcon Village Brgy.Lagao kansa misuway sa pagkutlo sa iyang kinabuhi.
Matud ni Police Lieutenant Omar Baret, Deputy Station commander sa Bula Police Station una na silang nakadawat ug tawag sa mga concern citizen nga dunay lalaking misaka sa atop nga gustong magpakamatay.
Paghidangat nila sa lugar nakita niini ang lalaki ibabaw na sa atop nga naglibot-libot ug dunay dala nga buak nga botelya nga posibleng gamiton niini sa pagpsakit sa iyang kaugalingon, hinungdan nga nangayo gilayon sila ug tabang sa ubang ahensiya sa gobyerno ug sa Socoteco alang sa pagrescue sa nasampit.
Milungtad ug kapin usa ka oras nilang gikumbinsi ang maong lalaki nga dili dayonon ang pagkamatay tungod kay dili mao ang solusyon sa problema, dihang nakakitag higayon ang mga awtoridad ila dayon nga gidakop ang maong lalaki diin duna na kini samad sa iyang pulso human iyang gisamarn gamit ang sa buak nga botelya .
Depresyon ang nakita sa kapulisan nga hinungdan sa pagsuway sa pagpakamatay sa nasampit gumikan kay duna kini gihambing problema sa pamilya. Human matud pang gibulagan sa asawa kanunay na kining magsulti sa iyang mga barkada nga wala na siyay paglaum pa nga mabuhi sa kalibutan .
Sa karon naka-detain sa silda sa Police Station 6 ang maong lalaki samtang gipangitaan ug pamaagi sa kapulisan nga matabangan aron maka-uli na sa iyang pinuy-anan ug makita ug magakos na niini ang iyang 2 anyos nga anak. (RV)
