CAUAYAN CITY — UMABOT NA SA 659 ANG NAITALANG KASO NG DENGUE SA LALAWIGAN NG ISABELA MULA ENERO HANGGANG PEBRERO 21, 2025, MAS MATAAS KUMPARA SA 434 KASO SA KAPAREHONG PANAHON NOONG NAKARAANG TAON, AYON SA DATOS NG DEPARTMENT OF HEALTH.
BILANG TUGON SA TUMATAAS NA KASO NG DENGUE, INILUNSAD NG PAMAHALAANG LUNGSOD NG CAUAYAN ANG PROJECT COMMUNITY DENGUE EARLY WARNING SYSTEM, ISANG MAKABAGONG HAKBANG NA LAYONG PALAKASIN ANG PAMPUBLIKONG KALUSUGAN SA PAMAMAGITAN NG MAAGANG BABALA AT PAGBIBIGAY-KAALAMAN SA MGA MAMAMAYAN UKOL SA DENGUE PREVENTION.
ANG COMMUNITY-DENGUE EARLY WARNING SYSTEM AY ONLINE PLATFORM NA GUMAGAMIT NG INTERNET OF THINGS -BASED OVITRAP LARVITRAP UPANG MATUKOY ANG ANTAS NG LAMOK SA MGA KABAHAYAN.
SA PAMAMAGITAN NITO, MAKAPAGBIBIGAY NG BABALA AT REKOMENDASYON SA TAMANG SANITASYON UPANG MAPIGILAN ANG PAGKALAT NG SAKIT NA DENGUE.
SAMANTALA, ISINAKATUPARAN ANG PROYEKTO SA TULONG NG ISABELA STATE UNIVERSITY (ISU), DEPARTMENT OF SCIENCE AND TECHNOLOGY (DOST), AT LOKAL NA PAMAHALAAN SA ILALIM NG SMARTER CITY PROJECT.
