*General Santos City— Aminado si Gensan City Mayor Ronnel Rivera nga medyo mitaas ang ihap sa kaso sa mga petty crime sa dakbayan sama sa kawat, motornapping ug uban pa.*
*Rason nga nagpabilin ang iyahang mandato ngadto sa kapulisan sa dakbayan pinaagi ni policecol. Den lagradante, city director sa gensan city police office nga mas pakusgan pa ang police visibility.*
*Apan gipa-klaro ni Mayor Rivera nga dili pa niya makonsiderang maka-alarma ang maong mga insidente gumikan nagpabiling pang kontrolado sa otoridad ang hisgutanang peace and order.*
*Dugang pamahayag ni Mayor Rivera nga nagpabilin siyang satisfied sa performance sa kapulisansa dakbayan ug iyaha matud pang nakit-an nga pursigido sila sa ilahang trabaho.*
*Gani anaa matud pa ang mga inisyatibong ginahimo sa kapulisan aron nga mapabiling hapsay ug malinawon ang tibuok syudad luyo pa man sa kulang nilang ihap ug kakulangon sa ilahang mga resources.*
*Saysay niini nga kung basihan ang perfomance sa kapulisan ug sa city director, iyahang kit-an ang ilahang pagpaningkamot aron nga makunhuran ang kriminalidad sa syudad.*
