Pagtaas sa presyo sang LPG, magasugata sa publiko sa subong nga una nga adlaw sang Oktubre

Big time price hike sa cooking gas ukon LPG ang magasugata sa publiko subong nga una nga adlaw sang Oktubre.

Nahibaluan nga halos lima ka pesos kada kilo ang katumbas sang dugang sa presyo sa imported nga LPG sa world market.

Ginpahayag ni LPGMA Representative Arnel Ty nga may kahilabtanan sa duha ka magkasunod nga hurricane sa Amerika ang pagtimbuok sang presyo sang LPG.

Madumduman nga masobra lima ka pesos kada kilo ang gintaas sa presyo sang LPG sang bulan sang Agosto nga ginsundan sang isa pa ka price hike nga masobra 2 ka pesos sini nga Setyembre.

Magluwas diri, may nagahana man nga price adjustment sa diesel kag gasolina sa masunod nga semana.

(photos from web)