Bagras sa pila ka bahin sang lawas kag nagkalagisi ang bayo ni Florybert Aquino, 33-anyos sang North Baluarte, Molo kag isa ka taxi driver matapos gin-hold up sang tatlo ka mga pamatan-on subong nga aga.
Base sa alegasyon ni Aquino, nagpadul-ong ang tatlo ka mga pamatan-on nga ginabulubanta naga-edad 19, 21 kag 23 anyos halin sa Smallville complex padulong sa distrito sang Lapaz sa balor nga 150.00.
Pag-abot sa Ticud, Lapaz, gingapos ini sang mga suspek kag gintaban ang iya kwarta balor 1 360.00.
Nakaangkon man sang daplis sa tuo nga kilid ang biktima sang gintuyo bun-on sang mga suspek.
Sa karon, padayon nga ginapangita sang kapulisan ang mga suspitsado.
Facebook Comments
