Pagtahan sa 30 ka mga kanhi NPA, mainitong gidawat sa probinsya sa Bukidnon

197

Mainiton nga gipresenta ug gidawat sa probinsya sa Bukidnon ang 30 ka mga mitahan nga kanhi miyembro sa New People’s Army (NPA) ngadto sa katawhan ning probinsya.

Gipanguluhan sa 403rd Infantry Peacemaker Brigade ug sa 4ID Philippine Army ang maong pagpresenta didto sa Camp Osito Bahian, Brgy. 10, Malaybalay City, Bukidnon nga gitambungan sa nagkadaiyang media personnel sa rehiyon X.


Mapasaligon si Major General Romeo S. Brawner Jr. sa mga mitahan nga makabalik gayud sa malinawong pamuyo ang mga kanhi miyembro sa NPA ug makadawat gayud og kinatibuk-ang suporta gikan sa gobyerno.

Anaa sa maong higayon ang kasamtangang Gobernador sa probinsya nga si Governor Jose Maria R. Zubiri Jr. nga ang kinsa midugang hatag og cheke nga P25,000 kada usa sa mga mitahan.

Giawhag usab ni Governor Zubiri ang mga nahibiling miyembro sa NPA nga mutahan na ug mubalik sa malinawong pamuyo sama sa gibuhat sa 30 ka mga kauban niini.

Facebook Comments