Dakung bakak ang alegasyon sa rebelding New Peoples’ Army (NPA) nga nalambigit sa pagtanum ug ebidensya sama sa shabu ug armas si P/EMSgt. Jimmer Omisol, ang pulis nga gipusil patay sa rebelding grupo didto sa lungsod sa Carmen, Agusan del Norte.
Sigun ni P/Col. Ramir Perlito Perlas, provincial director sa Agusan del Norte Police Provincial Office nga dili binuhatan sa kwerpo sa kapulisan ang pagtabum ug ebidensya sa mga suspek tungod kay gisunod nila unsay anaa sa balaod ug misanong usab sila sa pahimangno ni Pang. Rodrigo Duterte sa dili pagbuhat sa ingun.
Gibasul ni P/Col. Perlas ang pasangil sa mga suspek nga madakpan nga dili moangkon sa krimen ug maoy kanunay nilang depensa mao nga tinanum lamang ang ebidensya apan dili mobarug sa korte ang ilang mga pasangil.
(Dugang pa ni P/Col. Perlas nga anaa sa kondisyon sa huna-huna sa mga sakop sa kapulisan nga dili tugutan nga yano lamang madagit sa rebelding grupo mao’ng misukol si P/EMSgt. Omisol ug maoy hinungdan usab sa iyang kamatayon.
[image: pnp photo uniform.jpg]
