CAUAYAN CITY – NAGBIGAY PAALALA AT BABALA ANG CABAGAN POLICE STATION SA PUBLIKO NA MAHIGPIT NA IPINAGBABAWAL PARA SA MGA RESIDENTE ANG TUMAWID SA GUMUHONG CABAGAN-STA.MARIA BRIDGE.
ITO’Y MATAPOS NA GUMAWA NG PANSAMANTALANG HAGDAN ANG MGA RESIDENTE UPANG MAKAAKYAT SA GUMUHONG BAHAGI NG TULAY AT MAKATAWID PAPUNTA SA KABILANG DAKO, MATAPOS NA UMAPAW ANG TUBIG SA ILOG DAHIL SA NARARANASANG MGA PAG-ULAN DAHILAN UPANG HINDI MAGAMIT BILANG TAWIRAN ANG LUMANG TULAY.
PAALALA NG CABAGAN PS,KATUWANG ANG DPWH, MUNICIPAL DISASTER RISK REDUCTION AND MANAGEMENT OFFICE, LOKAL NA PAMAHALAAN, NILAGYAN NILA NG BARIKADA ANG NABANGGIT NA TULAY UPANG HINDI MADAAN ITO NG KAHIT NA SINO.
MATAPOS NA GUMUHO, DELIKADO AT HINDI LIGTAS NA GAMITIN ITO KAYA NAMAN PINAALALAHANAN ANG LAHAT NA SUNDIN ANG PAALALA NG AWTORIDAD AT GUMAMIT MUNA NG ALTERNATIBONG RUTA UPANG MASIGURO ANG KALIGTASAN NG LAHAT.
PINAPAYUHAN ANG LAHAT NA ANTABAYANAN ANG ANUNSYO NG MGA AWTORIDAD KAUGNAY SA MGA DAAN NA MAARING GAMITIN.
