PAGTIMALUS | GUIMARAS PROVINCIAL POLICE OFFICE, GINALANTAW ANG ANGGULO NGA PAGTIMALUS ANG MOTIBO SA PAGPATAY SA TRICYCLE DRIVER NGA SI RUFO TAHUM.

Posible nga pagtimalus ang motibo sang pagluthang patay sa tricycle driver nga si Rufo Tahum kaina sang udto sa Barangay Bugnay, Jordan, Guimaras.

Ini ang ginpahayag ni Police Sr. Supt. Julio Gustilo, Provincial Director sang Guimaras Provincial Police Office angut sa pagpatay sa biktima.

Ginpahayag ni Gustilo nga base sa background sang biktima, may kaso ini nga murder sang nakaligad nga tuig kon sa diin ginpasakaan na ini sang kaso.


Suno pa ka Gustilo nga wala man sang involvemnent sa illegal nga druga ang biktima magluwas lamang sa kaso sini nga pagpatay.

Nahibaluan nga sakay sa itom nga Montero sport ang suspek nga nagtiro kay tahum nga gintunaan sang kamatayon sini kag napilasan man ang iya pasahero nga si John Stephen Mondia nga padayon ginabulong sa ospital.

Facebook Comments