Report ni: Jennifer Palomo Debaja
Ginkumpirmar sang Department of Foreign Affairs ang padayon nga pagpangita sa isa ka 25 anyos nga Pinay nga missing sugod pa sang Disyembre 25 sa Bali Indonesia.
Nag bisita si Ella Balmaceda PaaƱo sa Indonesia sang tinalikdan nga Disyembre 22 kag dapat nakabalik na sa Pilipinas sang Disyembre 28, 2018 apang tubtob subong, wala pa sang impormasyon sa iya nahamtangan.
Nagatrabaho sa isa ka resort sa Coron Palawan si Ella antis ini nag tour sa Indonesia kag tubtob subong wala pa sang impormasyon sa iya nahamtangan. Indi na makuntak ang iya cellphone kag Disyembre 24, 2018 pa ang katapusan sini nga post sa Facebook.
Naga pakig coordinate naman ang Philippine Embassy sa mga otoridad sa Indonesia agud mabuligan nga makit-an ang nasambit nga Filipina.
Nagapanawagan naman ang pamilya sang Pinay sa publiko nga magpakig-angot sa ila kon may impormasyon sa nahamtangan karon ni Ella.
Makig angot lang sa mga masunod nga numero ang sin o man nga makasagap sang impormasyon nahanungodvsa missing nga Filipina : +639081427763 ukon +639125788021.
