Sa interview sa RMN Malaybalay ngadto kang Dr. Dindo Gabalez, ang Education Program Supervisor sa DEPED-Malaybalay, gibutyag niini nga kinahanglan gayud ang pagtugot sa ginikanan pinaagi sa Consent Form nga ginahatag kanila sa dili pa ang pag-apil sa mga bata sa face-to-face classes.
Dugang pa niya nga dili nila tugutan ang mga bata nga muapil sa maong programa kung walay pagtugot sa ginikanan.
Magpahigayon usab kuno og orientation ang mga tulunghaan diin ipanghatag ang mga consent forms ngadto sa mga ginikanan sa mga bata nga mag-apil sa face-to-face classes.
Gisulti usab ni Gabalez nga usa sa mga indicators sa Good Medical Practice (GMC) ang Home-School Coordination maong gikinahanglan gayud ang consent sa mga ginikanan lakip usab ang sa mga bata.
Man gani pagsulti ni Gabalez nga sa ilang national orientation, gikinahanglan both parties ang mu-agree ug kinahanglan ikonsiderar sa dili pa ang pagpahigayon sa face-to-face classes.
