Koronadal City, South Cotabato–Gikabutyag sa OIC Provincial Jail Warden sa South Cotabato Rehabilitation And Detention Center nga si Felicito Gumapac nga dako kaayo ang mahatag nga tabang sa pag-abli sa Bahay Silangan sa Tupi, South Cotabato alang sa mga nag-avail sa plea bargaining agreement sa gobyerno.
Matud pa ni Gumapac nga libre kining Bahay Silangan para sa mga peniriso nga nag-avail ug plea bargain gumikan kay kaniadto sa rehabilitation sa Cagayan De Oro City nila ginadala ug dunay bayad nga 6mil matag bulan sulod sa unom ka bulan.
Hinungdan nga dako kaayo ning pabor alang sa mga peniriso gumikan kay gawas pa sa libre dali na lamang makabisita ang ilahang mga pamilya ug mga kaparyentihan.
Dugang asoy ni Gumapac nga 46 ang ilahang target nga mahatod sa Bahay Silangan sa Tupi apan sa ilahang pag review sa mga papeles duna matud pay mga pending nga kaso ang ubang peniriso nga nag-avail ug plea bargain hinungdan nga 43 lang ang ilang nabutang sa maong pasilidad.
Giang-kon usab sa opisyal nga naglisod sila dihang sa Cagayan De Oro City Rehabiltation pa nila ginahatod ang mga peniriso gumikan kay mogastos ang Provincial Government alang sa pasilidad ug uban pa.
Tungod niini sa natukod nga Bahay Silangan sa Tupi dili na makagasto pa ang provincial government tungod kay haduol na lamang ang lugar ug dili na usab makagasto pa ang ilang pamilya sa gustong mobisita sa ilang mga kabanay. (Reynald Timario)
