Gisugdan na ang pagtrabaho sa Bukidnon Airport human nagpagawas ang Department of Transportation ug Notice to Proceed ngadto sa Unimasters Conglomeration Incorporated, nga maoy contractor para sa site development sa mao nga proyekto.
Ang mao nga proposed Bukidnon airport nahimutang sa Maray-Maray, Don Carlos, Bukidnon ug mukabat sa 2.65 kilometro ang gitas-on sa runway nga mamahimong maka-accommodate ug turbo propeller aircraft.
Nasayran nga laumang mahuman ang Bukidnon Airport sa tuig 2022.
Matud sa DOTr nga mosilbi ang mao nga airport sa tibook probinsya sa Bukidnon ug sa North-Central Mindanao sama sa North Cotabato, Davao del Norte, Maguindanao, Lanao del Sur ug bisan sa Davao del Sur.
Nasayran nga gihatagan ang Unimasters Conglomeration Incorporated ug 360 ka adlaw aron sa paghuman sa mao nga site development.
