South Cotabato—gilauman nga masugdan na karong mulana ang pagtukod sa Rehabilitation Center for Drug Dependents ug half-way house alang sa mga rebel returnees sa probinsya sa South Cotabato karong bulana.
Ang Rehab Center gikatakdang tukuron sa Upper Valley Community Hospital sa Surallah, mukabat usab sa P4.8 million ang pundo nga gigahin sa maong pasilidad gikan sa Mahintana Foundation.
Samtang maghatag usab ug pondo ang National Chamber of Commerce alang sa agtukod sa maong gambalay isip inisyatibo ni 2nd district representative Ferdinand Hernandez.
Sa pikas bahin mukabat usab sa P 5 million nga pondo ang Department of the Interior and Local Government (DILG) alang sa pagtukod sa half-way home alang sa mga revel returnees. Gilauman nga mahuman ang maong mga gambalay sa dili pa mahuman ang tuig 2018.
