Nakaagi na sa Sugbu ang bagyong si Agaton kaganinang kadlawon og padung na kini sa kasadpang bahin sa Kabisay-an sa Negros .
Matud sa hepe sa Pag-asa Mactan nga si Engr. Al Quiblat kaganinang alas 3:00 sa kadlawon niagi sa Bohol ug Sugbu ang bagyong si Agaton hinungdan nga nasinati usab sa maong oras ang labing kusug nga bundak sa uwan .
Subay niini matud ni Quiblat , karong hapon posibling mohayag-hayag na ang panahon sa Sugbu .
Apan tambag ni Quiblat nga di gihapon kakompiyansahan tungod kay padayong masinati sa Sugbu ang mga pag uwan-uwan tungod sa tail-end sa cold front nga makamugna ug uwan.
Ang kusug nga uwan nga nasinati sa Toledo City niadtong Dominggo nga nakamugna ug lapad nga pagbaha dili pa ang bagyong si Agaton kung dili epekto sa tail end sa cold front.
