KASAMTANGANG nagpadayon ang pag tukod sa mga tulonghaan sa probinsya sa Bukidnon pinaagi sa Provincial Government of Bukidnon nga gisugdan niadtong bulan sa Octobre 2019, nga gilangkoban sa 14 ka mga lungsod ug 25 ka mga skwelahan nga adunay 2 ka building nga tag 1 ka classroom ug 15 ka building sa tag 2 ka classroom nga mokabat sa 44,000,000 ka pesos.
Kini mao ang Anggaan Elementary School sa Damulog, Sampaguita Elementary School sa Kibawe, Matampay Elementary School sa Kadingilan, San Luis Elementary School sa Malitbog, Dominorog Elementary School sa Talakag, Iba Integrated School sa Cabanglasan, Dumalaguing Integrated School, Bulonay Integrated School, ug Hagpa Integrated School sa Impasug-ong, Dona Integrated School ug Sankanan National High School sa Manolo Fortich, Malinao National High School sa kalilangan, Nabaliwa Elementary School sa Pangantucan, Delapa National High School, Apyao National High School, Linabo Elementary School sa Quezon, Kalagangan National High School Annex sa San Fernando ug San Vicente National High School sa Sumilao Bukidnon.
Diin karong bulan sa Pebrero aduna nay 6 ka building nga tag 1 ka classroom nga nahuman sa maong proyekto nga mao ang Central Elementary School sa Damulog, Central Elementary School sa West Kibawe, Central Elementary School sa Malitbog, Central Elementary School ug San Isidro Elementary School sa Talakag ug Dalacutan Elementary School sa Cabanglasan, Bukidnon.
Aduna usab 337 ka mga classroom nga paga-ayuhon lakip na ang pagtukod sa mga multi-purpose building nga mokabat sa 19,361,180 ka pesos.
Basi sa datus tuig 2017-2018 adunay natukod nga 86 ka building nga tag 1 ka classroom ug 79 ka building nga tag 2 ka classroom sa mga nagka lain-laing mga tulonghaan diin mokabat sa 234,882,591 ka pesos ang total nga kantidad.
Dugang niini, basi sa na-aprobahan sa Provincial School Board karong tuig 2020 adunay 19 ka mga building nga tag 1 ka classroom ug 24 ka building nga tag 2 ka classroom nga pagatukoron, lakip na ang pagtukod sa mini Covered Court, perimeter fence ug comfort rooms, di-in gilangkoban sa 20 ka mga munisipyo og 2 ka syudad sa probinsya sa Bukidnon nga mokabat sa 66,981,000 ka pesos.
Tumong sa maong proyekto nga madungagan ang mga classrooms para mahatagan og igo nga mga luna ang mga skwelahan alang sa mga kabataan, mamahimong child-friendly, safe, inclusive, ug welcoming environments nga makapalig-on sa pagkat-on, lakip ang pagdumala sa mga bata nga adunay mga physical and mental/learning disabilities.
